熊本遊記Day 1

珍珠空姐我又飛喇。每次出發去旅行都會預早一點到機場環亞機場貴賓室食一個免費自助早餐，Gate 1個Lounge 6:30開門，食物款式不多，但質素絕對唔差，一般酒店自助早餐的食物，每樣食物都有職員負責，確保品質。多數人都說魚蛋粉出色，其實普普通通合格正常啦，反而今次我改變了焗方包食法，自製變成炒蛋沙律菜三文治，又幾好味喎。 食完自助早餐就預備上機出發了，機程大約三個半鐘。到達熊本機場，見到有限定版熊本IC卡，幾靚喎，好彩只買了一張，因為發覺熊本出的IC卡並不似其他IC卡全日本流通，只限熊本地區使用，而且很多便利店都不能使用。其他地區買的IC卡在熊本亦不方便，很多增值機都只可以增值熊本IC卡，結果我帶備的北海道IC卡係全程無用過。 Bellboy: Moshi Moshi, 麻煩房間服務員姐姐黎執一執房。 黑珍珠Bellboy被安排到熊本兩間酒店工作，第一間去到位於熊本新市街的東橫Inn。其實Bellboy並不是第一次到日本東橫inn，基本上日本東橫Inn間間都差不多，不會有大分別，早餐都係食比較日式的早餐。唯一可借的是房間仍然沒有USB充電位，追不上時代步伐。 熊本氣溫比香港凍大約十度，不算太寒冷。Bellboy年青時到日本工作的確受日本人的高質服務吸引，愛上這個地方，但後來明白到自己性格隨意，懶散不愛工作，離群又不愛應酬，自己不適合在日本生活工作，若要自己融入日本人的工作態度，應該是很痛苦的事。 下集將會到栗子🌰出動，化身成甜食家找尋栗子甜品美食，這是在熊本的第一餐。 栗子去到酒店放低行李，立即化身成甜食家就出動，知道時間不多，去到一間位於商店街的和栗モンブラン専門店。店鋪位置有點隱蔽，食物款式亦不多，主打栗子モンブラン/Mont blanc/蒙布朗，港稱栗子蛋糕，是一種以栗子為原料製成的法式甜點，其法語名稱因甜點形狀類似「覆雪的白朗峰」而得名。 點了國產和栗モンブラン1800 yen和一個巴斯克蛋糕，店員知栗子唔識日文，從雪櫃取出三個巴斯克蛋糕給栗子選擇，一個原味和一個抹茶味，都係550 yen，一個栗子味，應該是限定600 yen，選了體積比較大的限定栗子味。 1800 yen食一件Mont blanc蛋糕，對日本人來說應該是很奢侈的事，因為食一個放題都係千幾yen。之後仍會介紹另一間食Mont blanc價錢平一半的地方。 點完餐後，店員立即製作國產和栗モンブラン，鬆軟黃色的蛋糕餅底，中間是脆口又不太甜的糖餅，頂層應該有打得軟滑的牛奶忌廉，蛋糕面有栗子碎。食這個Mont blanc重點是欣賞店員表演將一條條的新鮮栗子蓉唧到蛋糕面，食的時候有不同層次口感，呢個時候，角落栗子當然拎出手機拍片紀錄。 食完Mont blanc，再試埋限定栗子巴斯克蛋糕，賣相睇落平平無奇，但原來這個蛋糕相當出色，栗子味道極濃郁，食得出真材實料，伴隨的是奶味極重又不太甜的忌廉，非常美味。 和栗モンブラン専門店  Kuriho_kumamoto 熊本縣熊本市中央區上通町5-6 村上大廈1 day 1仲會有黑珍珠雪糕、貝多珠和半額炸豬國王出場。 栗子食完栗子甜品後，下一個目的地就係派出貝多珠去位於Cocosa商場 3樓的島村樂器，差不多每次去日本都會去Yamaha和島村樂器。日本Yamaha偏向中產的音樂市場，島村樂器主打夾band搖滾。查過熊本係無Yamaha的，Cocosa的島村樂器唔算大間，賣的樂譜亦唔算多。 之後下一站就去BaskinRobbins 31  雪糕，等BR黑珍珠有機會出場，今次無食雪糕，食咗個pancake，其實食pancake抵食過食雪糕，比較飽肚。之後行了一陣商店街。 最後一站到半額炸豬國王出場。酒店非常近櫻町購物中心Sakura Machin Kumamoto，鄰近有一個巴士總站，交通非常方便，但發覺這個商場人流不多，地下有超級市場和food court。日本的超級市場每晚七八點關門前開始就會有八折和半額便當。 以前到日本，覺得日本的商鋪七八點就拉閘關門太早，但疫情過後，香港的商鋪亦大部份轉收七八點，我亦適應了這個情況。 第一日行程結束 #日本 #旅行 #酒店 #旅遊 #Japan #熊本 #遊記 #打卡 #Staycation #Hotel (此文章由U Blog 同步發佈至社群)